Toshkent, O‘zbekiston (UzDaily.uz) — Andijon aeroporti keng ko‘lamli rekonstruksiyadan so‘ng xalqaro reyslarni tikladi.

Aeroport 12 avgust kuni rasmiy ravishda xalqaro reyslar uchun ochildi.

Ilk parvoz Flyone Asia aviakompaniyasining Andijon - Jidda - Andijon yo‘nalishi bo‘yicha amalga oshirildi. Endi bu yo‘nalish bo‘yicha haftasiga ikki marta - seshanba va payshanba kunlari muntazam parvozlar amalga oshiriladi.

Q7 2261 raqamli reysning birinchi parvozi bayramona kayfiyatda o‘tdi, samolyot bortida 151 nafar yo‘lovchi bor edi.

Eslatib o‘tamiz, Andijondan Toshkentga Silk Avia (dushanba va payshanba kunlari) hamda O‘zbekiston Havo Yo‘llari (chorshanba va shanba kunlari) aviakompaniyalari ham muntazam parvozlarni amalga oshirmoqda.